Ons Gemeente
NG Grimbeekpark is geleë in die hart van Potchefstroom, aan die pragtige walle van die Mooirivier. Ons lidmate woon verspreid oor die dorp en omliggende omgewing. As ’n jong gemeente het ons ’n sterk fokus op kinderbediening en ’n diep passie vir kinderevangelisasie – plaaslik én wêreldwyd. Baie van ons lidmate is entrepreneurs of betrokke by die Noordwes-Universiteit (NWU), wat ’n unieke dinamiek aan ons gemeente gee. Ons eredienste, gekenmerk deur kragtige gemeentesang, vorm die hartklop van ons saamwees. Hier is jy welkom.
Ons kerngewoontes
KRAG
1. Lidmate belê hulself in ware aanbidding
Bedieninge:
MUSIEK
GEBED
EREDIENSTE
By NG Grimbeekpark glo ons dat lidmate hulself in ware aanbidding belê. Deur ons musiek-, gebeds- en erediensbediening skep ons ruimtes waar mense van alle ouderdomme God kan ontmoet, saam kan groei en met oorgawe Hom kan dien.
WARMTE
2. Ontwikkel betekenisvolle verhoudinge binne die gemeente
Bedieninge:
Nuwe Intrekkers
Seniors
Gasvryheid
Kleingroepe
By NG Grimbeekpark glo ons dat geloof groei in verhouding. Deur bediening aan nuwe intrekkers, seniors, kleingroepe en gasvryheidsgeleenthede help ons mekaar om egte, betekenisvolle verhoudinge te bou en deel te wees van ’n liefdevolle geloofsfamilie.
DIEPTE
3. Betrek Lidmate in sistematiese geestelike groei
4. Rus Families toe om hulself te bedien
Bedieninge:
Toerusting
Bybelstudie
Jeug
Ons begeerte is dat elke lidmaat by NG Grimbeekpark in hul geloof sal groei en toegerus sal wees vir diens – tuis en in die gemeente. Deur toerustingsgeleenthede, Bybelstudie en ons jeugbediening help ons families en individue om diep wortels in die Woord te vestig en geestelik te floreer.
IMPAK
5. Dien noodlydendes in die gemeenskap
Bedieninge:
Erediensbedieners
Barmhartigheid
Ons leef ons roeping uit deur die liefde van Christus sigbaar te maak in ons gemeenskap. Deur barmhartigheidswerk en die diens van erediensbedieners reik ons uit na noodlydendes met deernis,
GROEI
6. Hou besig met strategiese evangelisasie
Bedieninge:
Uitreik
Evangelisasie is ’n kernroeping van ons gemeente. Deur strategiese uitreikaksies soek ons aktief na geleenthede om die goeie nuus van Jesus te verkondig en ’n blywende verskil in mense se lewens te maak.
INTEGRITEIT
7. Wend holistiese rentmeesterskap praktyke aan
Bedieninge:
Administrasie
Finansies
Eiendomme
Kommunikasie
Diensverhoudinge
Ons glo dat elke aspek van die gemeente met integriteit en verantwoordelikheid bestuur moet word. Deur effektiewe administrasie, finansiële bestuur, eiendomsorg, kommunikasie en diensverhoudinge beoefen ons holistiese rentmeesterskap tot eer van God en tot voordeel van die geloofsgemeenskap.
